दुख हरण यादव
जेष्ठ १३ लमही दाङ
नेपाली काङ्ग्रेस दाङ क्षेत्र नं १ ले बिज्ञप्ति निकालेर बर्तमान विषम परिस्थितीमा देशमा तमाम बढेका बिसंगती,बिकृती एवम सरकारको गैर जिम्मेवारपुर्ण कदम प्रती नेपाली काङ्ग्रेस दाङ क्षेत्र नं १ को गम्भीर ध्यानाकर्षण भएको भन्दै सरकार द्वारा खोप लगायत सम्पुर्ण स्वास्थ्य सामाग्रीको तत्काल उचित प्रबन्ध गर्न माग गरिएको छ ।
नेपाली काङ्ग्रेस दाङ क्षेत्र नं १ का सभापती भेष राज पाण्डे द्वारा हस्ताक्षरित बिज्ञप्तिमा कोरोनाका कारण भयवाह भएकोको बर्तमान परिस्थितिमा नागरिक एक्लिएको महसुस गर्दै एक्लै कोरोनाको सामना गरिरहेको तर यस्तो संकट्को समयमा सरकार आफ्नो नागरिक प्रती जवाफदेहि बन्नुको साटो कुर्सीमा बसेर कुर्सी जोगाउने खेलमा केन्द्रीत रहनु लाज मर्दो कुरा रहेको छ ।
बिज्ञप्तिमा अघिल्लो बर्ष आम नागरिकलाई थिलो थिलो पारेको कोरोनाको दोस्रो लहरपनि आउन सक्ने र यस्को प्रभाव भयंकर हुन सक्ने कुरा बिज्ञहरुले पुर्ब सुचित गर्दा गर्दै पनि सरकार त्यस्को बिरुद्ध कुनै पनि प्रकारको पुर्व तयारी नगर्नु र खोपको समेत ब्यबस्था गर्न नसक्नु सरकारको चरम लापरवाहीको पराकाष्ठा हो ।
यस्तो प्रकारको गैर जिम्मेवारपुर्ण कदम र सरकारको उदासिनता बिल्कुलै क्षमादायी न भएको लेखिएको छ । त्यसैगरि कोरोनाको कारणले सरकार द्वारा जारी गरिएको लकडाउनले कालो बजारी बढेको,स्वास्थ्य सामाग्री खरिदमा व्यापक कमजोरि गरिएको,ज्याला मजदुरि गरेर दैनिक जीवन गुजारा गर्ने परिवार लाई बे वास्ता गरेको,ऋण लिएर पेशा ब्यबसाय संचालन गरेका हरुको लागि कुनै पनि प्रकारको बित्तिय तथा खाद्यान्न राहतको ब्यबस्था गर्न नसक्ने सरकारलाई कर किन र केको लागि तिर्ने भन्ने प्रश्न चिन्ह उठ्न सक्ने जारी बिज्ञप्तिमा उल्लेख गरिएको छ ।
सभापती पाण्डेले बिज्ञप्ति मार्फत सरकार द्वारा जारी गरिएको निशेधाज्ञा तथा स्वास्थ्य मापदण्ड पालना गर्न सबै नागरिकलाई अनुरोध गर्दै कोरोना भाइरसका कारण अकालमा ज्यान गुमाउनुहुने दिवांगतहरुमा हार्दिक श्रद्धान्जली ब्यक्त गर्दै कोरोनाको कारण बिरामी भै अस्पताल,आइसोलेसन,होम आइसोलोसनमा रहेका बिरामी लाई स्वास्थ्य लाभको कामना गरेका छन ।
प्रतिक्रिया लेख्नुहोस्:-