गढवामा खाद्य अधिकार संजालको बैठक सम्पन्न

दुख हरण यादव
गढवा १० भदौ
गढवा गाउपालिका स्तरीय खाद्य अधिकार सन्जालको बैठक गढवामा सम्पन्न भएको छ ।
गढवा गाउपालिका खाद्य अधिकार सन्जालका अध्यक्ष उमाकान्त पन्तको अध्यक्षता र फियान नेपाल लुम्बिनि र कर्णाली प्रदेशका फिल्ड संयोजक सुरेश गौतमको प्रमुख आथित्यमा बैठक बसि बिभिन्न निर्णय गर्दै सम्पन्न भएको संस्थाका अध्यक्ष उमाकान्त पन्तले बताउनु भयो ।
सन्जालको बैठकले गढवा गाउपालिकाको स्थानिय खाद्य र पोषण रणनिति योजना निर्माणको लागि गढवा गाउपालिका संग अनुरोध गर्ने ,स्थानिय खाद्य परिसद गठनको लागि गाउपालिकालाइ ध्यानाकर्षण गराउने ,स्थानिय किसान लाइ किसान परिचय पत्रको यथाशिघ्र बितरण गर्न ब्यबस्था गर्न गढवा गाउँपालिकालाइ अनुरोध गर्ने निर्णय गरेको छ ।

त्यसैगरी सन्जालले आगामि दिनमा गर्ने कार्यहरुको कार्ययोजना बनाएको छ । जसमध्ये गढवा गाउपालिका वडा नं ८ कोइलाबासको खाद्य अधिकारको सवालमा आवस्यकता पहिचान गरी सवाल उठान गर्ने,बड्कापथ सिचाइ आयोजनाको प्रगति कार्यप्रगति हरु प्रदेश तथा संघिय संसद द्वारा अनुगमन र अवलोकन गर्ने कार्ययोजना बनाइएको प्रदेशका फिल्ड संयोजक सुरेश गौतमले बताउनु भयो ।
बैठकले बड्कापथ सिचाइ आयोजना बिस्तार गर्ने तथा बस्ति बचाउ कार्यक्रम अन्तर्गत कक्रहवा खोला मुहान देखि राप्ति नदि सम्म पर्ने बिभिन्न गाउँ,बस्तिहरु संरक्षणको लागि अधिकांश ठाउँहरुमा तटबन्ध र ड्याम निर्माण गरी केहि बस्ति जोगाउने काम भएको र केहि बस्तिहरु अझैपनि जोखिममै रहेकोले तटबन्ध तथा ड्याम निर्माणको कार्यलाइ निरन्तरताकोको लागि प्रदेश तथा संघिय सांसदलाइ अनुरोध गर्ने निर्णय गरेको छ ।